أيه ده؟؟؟ أيه الناس دى ؟؟؟؟هو فى كده

أنا زى أى بنت فى الدنيا كل...

أيه ده أنا حغنى

سورى لحظه تجلى وفصلان

بس تخيلوا اللحظه دى لفتت نظرى لحاجه!!!

أفتكرت أن فى أغانى كتير تيك أواى

زى الأكل التيكاواى الى عمره ميشبع ولا ينزل بالهنا ولا بالشفا حتى بالعكس كتير بيجيب مغص وخلافه

فى أغانى كده برضه مبتشبعش وبتجيب مغص

بس المرادى مش فى المعده

فى الدماغ عدل

غير التسممم فى الودان يعنى تسمع الأغنيه من دى وأنت أيدك على 122 عدل

ياتاره أيه الى وصلنا لكده

زمان كان سى عبده يضرب واحده ياعينى يا ليل تلاقى الدماغ أتظببطت ولا سوما ياحلاوتها وهى بتقول تحت باطى بعقود لم تصنها

ولا ياسلام يا حلاوتك يا ست وأنت بتقولى أنت عمرى

فين زمن الفن الجميل ده

ليه الأغانى بقت مدتها قصيره وكلها طاخ دش بم تيييش

غير أنى أكتشفت حاجه جامده جدا
أن نص ترزيه مصر أيديهم طويله عالقماش

والدليل على كده أن البنات الغلابه ياعينى الى بيطلعوا فى الكليبات القماش مبيكفيش يغطيهم
ولا المغنى أياه ياحبيبى المنتج مدفعلوش كويس فطلع من غير هدوم عالغلاف

حاجه تقطع القلب لدرجه أنى كنت بفكر أعمل جمعيه أسميها جميعيه حمايه الفن من الترزيه

ياجماعه فوقوا

دحنا أحفاد الفراعنه والمسلمين الأوائل يعنى المفروض يكون كل واحد منا ألف رازى وألف سنوحى
على الأقل علشان يوم منقابل ربنا نقوله يارب أحنا حاولنا نكون كويسين
حاولنا نجاهد نفسنا

مش معنى كلامى بلاش أغانى وبلاش أفلام

أنا واحده من الناس مدمنه سينيما وأغانى

بس نسمع حاجه هادفه يا جماعه

نتفرج على فن راقى

ننضف ودانا الى أتسدت من الألحان الفاسده

ونرجع للزمن الجميل