الأنسان بيتغير فى حياته كذا مره وبيمر بمراحل فى حياته بتغيره يا للأحسن يا للأسوأ
مثلا شخص أتنقل من حياه المدرسه المحدوده لحياه الجامعه المفتوحه
وواحد تانى أخد بمبه فى حبه فبقى بيهلفط وأتغير
وواحد تالت أشتغل وأتغيرت شخصيته علشان بيتعامل مع ناس جديده ومجتمع جديد
وواحد تانى خالص أتصدم فى مبدأ كان مؤمن بيه جدا فأتغير
ياتاره أنت أنهى فى دول
ولا أنت حد تانى خالص
أمتى قلت أنها بدايه جديده
بدايه لعالم تانى
ومستقبل تانى
وحياه تانيه
هناك 3 تعليقات:
اكيد يمشمش الواحد اتغير 180 درجه لما دخل كليه ونتى عرفه الكليه بتعتى قعدت انا قرون فيها قابلت معظم انواع البشر ده غير طبعا الشغل بامر الله لان الناس مبترحمش ولازم الواحد يفكر ويتعب فى الدنيا عشان القرش
بسم الله والحمد لله والصلاة والسلام علي رسول الله
زي ما قولتي الواحد بيتغير في مراحل كتر
واهم مرحلة اتغيرت فيها
لما عرفت العمل التطوعي لما روحت جمعية رسالة
حسيت انا انسان لية لازمة
مش باكل وبنام وبتفسح وبعمل اللي في نفسي واشطة علي كده
حسيت ان في ناس محتجاني ... اني مفيد .... المجتمع محتاجلي
ولما تحسي انك مفيده في الشغل وليكي لازمة بتبقي مرتاحه
مبالك لما تبقي في دنيا بقي
لما تحسي انك ليكي لازمة في الدنيا
وأسأل الله انه يجمعنا في الجنه اجمعين
Eslam EL-Masry
فعلا يا أسلام دى كانت مرحله مهمه فى حياتنا كلنا
لأنها خلتنا نعرف أن أن فى ناس تانيه
ناس أقل مننا فى المستوى
والى أحنا بنصرفه فى ساعه هما بيصرفوه فى أسبوع
ناس محتاجه رعايتنا
محتاجه أننا نحس بيهم
ونخرج من شرنقه الأنانيه الى حبسنا نفسنا جواها
بجد دى من أهم البدايات فى حياتنا كلنا
إرسال تعليق